Azərbaycanın iki paracüdoçusu Avropa çempionatının medalını qazanıb
Azərbaycanın paracüdo idman növü üzrə milli komandasının 2 üzvü Avropa çempionatının bürünc medallarını qazanıb.
Milli Paralimpiya Komitəsinin mətbuat xidmətindən Sportline.az saytına verilən məlumata görə, Namiq Abbaslı (73 kq, J2) və Uşaq Paralimpiya hərəkatının yetirməsi olan İsmayıl Muradov (60 kq, J1) İtaliyanın Kalyari şəhərində keçirilən Avropa çempionatının bürünc medallarına sahib olublar.
Sentyabrın 3-ü İlham Zəkiyev (+90 kq, J1), Zakir Mislimov (90 kq, J1), Xatirə İsmiyeva (+70 kq, J1) və Dürsədəf Kərimova (+70 kq, J2) tatami üzərinə çıxacaqlar.
