Balotellinin yeni komandası bəlli olub
İtaliyalı hücumçu Mario Balotelli karyerasını ölkəsində davam etdirəcək.
Sportline.az insayder Fabritsio Romanonun paylaşımına istinadən xəbər verir ki, “Cenoa” 34 yaşlı futbolçunu heyətinə cəlb edib. Təcrübəli futbolçu bu gün ictimaiyyətə təqdim olunacaq.
Balotelli daha öncə İtaliyada “İnter”, “Milan”, “Breşiya” və “Monza” kimi klublarda forma geyinib.
Qeyd edək ki, Mario Balotelli ötən mövsüm çıxış etdiyi 16 matçda 7 qol və 1 asistlə yadda qalıb.
