Bu gün Çempionlar Liqasının püşkü atılır

Bu gün Çempionlar Liqasında 1/4 və 1/2 final mərhələsinin püşkatma mərasimi keçiriləcək.

Sportline.az xəbər verir ki, UEFA-nın qərargahında keçiriləcək mərasim Bakı vaxtı ilə saat 15:00-da başlanacaq.

1/8 finalın qalibi olan 8 komanda bu dəfə səbətlərə bölünməyəcək və açıq püşk yolu ilə seçiləcək. Buna görə də 1/4 və 1/2 finalda bir ölkədən 2 komandanın bir-birilərinə rəqib olması mümkündür.

Püşkatmada aşağıda adları qeyd olunan komandalar iştirak edəcəklər:

“Bavariya” (Almaniya)
“Benfika” (Portuqaliya)
“İnter" (İtaliya)
“Mançester Siti" (İngiltərə)
“Milan" (İtaliya)
“Napoli" (İtaliya)
“Real" (İspaniya)
 “Çelsi" (İngiltərə)

1/4 finalın matçları 11-12 aprel və 18-19 aprel, 1/2 finalın oyunları 9-10 may və 16-17 may, final isə 10 iyunda keçiriləcək.