"Çelsi" "Real Madrid"ə 70 milyon avro təklif edib

"Real Madrid"in brazilyalı futbolçusu Endrik "Çelsi"nin transfer hədəfinə çevrilib.

Sportline.az "Defensa Central" nəşrinə istinadən xəbər verir ki, London klubu Endrik üçün "Real"a 70 milyon avro təklif edib.

18 yaşlı futbolçunun İspaniya klubu ilə müqaviləsi 2030-cu ilin iyun ayına qədər nəzərdə tutulub.

Qeyd edək ki, Endrik bu mövsüm "Real Madrid"in heyətində çıxış etdiyi 29 matçda 7 qolla yadda qalıb.