Çempionlar Liqası: "Mançester Siti" və "İnter" yarımfinalda

Bu gün Çempionlar Liqasında 1/4 finalın cavab oyunlarına yekun vurulub.

Sportline.az xəbər verir ki, bununla da yarımfinalın bütün iştirakçısı müəyyənləşib.

"Bavariya" "Mançester Siti"ni qəbul edib. Bu komandalar arasında ilk görüşdə İngiltərə klubu 3:0 hesabı ilə qalib gəlmişdi. Bugünkü matç isə 1:1 hesablı bərabərlikdə başa çatıb. Beləliklə, "Mançester Siti" yarımfinala yüksəlib.

 Digər matçda "Benfika" "İnter"in qonağı olub. 6 qolun vurulduğu matçda qalib müəyyənləşməyib - 3:3. İlk oyunda "İnter" qalib gəldiyindən (2:0) yarımfinala da onlar adlayıb. "İnter" bu mərhələdə İtaliyanın digər təmsilçisi, əzəli rəqibi "Milan"la qarşılaşacaq. "Mançester Siti" isə "Real"a rəqib olub. Bu raundun qarşılaşmaları 9-10 və 16-17 mayda oynanılacaq.

19 aprel

23:00: "Bavariya" (Almaniya) - "Mançester Siti" (İngiltərə) - 1:1 

Qollar: Haaland, 57 (0:1), Kimmix, 83 (1:1)

İlk oyun - 0:3

23:00. "İnter" (İtaliya) - "Benfika" (Portuqaliya) - 3:3

Qollar: Barella, 14 (1:0), Aursners, 38 (1:1), Martinez, 65 (2:1), Korrea, 78 (3:1), Antonio Silva. 86 (3:2), Musa, 90+5 (3:3)

İlk oyun - 2:0

18 aprel

“Çelsi” (İngiltərə) – “Real” (İspaniya) - 0:2

“Napoli” (İtaliya) – “Milan” (İtaliya) - 1:1