ÇL: Komandaların düşərgəsində son durum

Bu gün UEFA Çempionlar Liqasında 1/2 finalın cavab oyunları keçiriləcək.

Sportline.az xəbər verir ki, gecənin Londonda keçiriləcək oyununda Çelsi Real Madridi qəbul edəcək. İspaniya səfərindən 0-2 hesabı ilə uduzan “zadəganlar” doğma meydanda bunun əvəzini çıxmalıdırlar. Amma, bu heç də asan vəzifə deyil. Son çempion Real bu görüşün də favoriti hesab olunur. Komandaların heyətində ciddi itiklər var. Meydan sahiblərində Armando Broya zədə, Ben Çiluel cəza üzündən komandasına kömək edə bilməyəcək. Qonaqlarda isə zədəli Ferlan Mendi Ancelottinin ixtiyarında olmayacaq. Görüşü  İtaliyalı Daniel Orsato idarə edəcək.

Stadio Dieqo Armando Maradona stadionu da maraqlı futbol tamaşasına ev sahibliyi edəcək. Doğma meydanda Napoliyə 1-0 hesabı ilə qalib gələn Milanı çətin səfər matçı gözləyir. Hər iki komnadanın heyətində zədəli və cəzalılar var. Meydan sahiblərindən Ciovanni Simyone zədə , Kim Min Ye  və Abqissa cəzalı olduğundan komandasına kömək edə bilməyəcək. Qonaqlarda isə Malik Tio zədə səbəbindən Setfano Piolinin ixtiyarında olmayacaq. 

Oyunu Polşalı referi Şimon Marçinyak idarədə edəcək. Hər iki görüşü Bakı vaxtı ilə 23:00 da başlanacaq.