Əhməd Yusifov dünya çempionu oldu

Azərbaycan cüdoçusu Əhməd Yusifov (60 kq) Bakıda keçirilən dünya çempionatında qızıl medal qazanıb.

Sportline.az xəbər verir ki, təmsilçimiz finalda Qazaxıstan cüdoçusu Şerzad Davlatova qalib gələrək dünya çempionu olub.

Əhməd Yusifov ilk görüşündə Tümenjarqal Tuvşinturaya (Monqolustan) qalib gəlib. Daha sonra Harş Sinqhi (Hindistan) və Ayub Bliyevi (Rusiya) mübarizədən kənarlaşdırıb.

Azərbaycan cüdoçusu yarımfinalda Yunq Vey Yanqa (Tayvan) qalib gələrək finala yüksəlib və həlledici görüşdə də Davlatovdan üstün olub.