Əvəzedicilər I Diviziondan ayrılacaq
Misli Premyer Liqasında komandaların sayının artırılması nəzərdə tutulmayıb.
Sportline.az xəbər verir ki, bunu AFFA-nın baş katibi Sərxan Hacıyev mətbuat konfransında deyib.
O bildirib ki, yüksək liqada komanda sayının artırılması gündəmdə deyil. Hacıyev mövsümün sonunda bir komandanın Premyer Liqanı tərk edəcəyini, I Diviziondan isə idman prinsipləri qorunaraq bir kollektivin yüksək liqaya cəlb olunacağını söyləyib.
Eyni zamanda, 2023/2024 mövsümündən etibarən I Divizionla əvəzedicilərin çempionatı ayrı keçiriləcək. Yəni Premyer Liqa klublarının əvəzedici heyətlərinin çempionatı bərpa edilib. Baş katib növbəti mövsüm I Divizionda 10 komandanın iştirakının planlaşdırıldığını deyib.
