FİDE-nin yeni reytinqi açıqlandı

Beynəlxalq Şahmat Federasiyasının (FİDE) növbəti reytinq siyahısı açıqlanıb.

Sportline.az xəbər verir ki, qrossmeysterimiz Şəhriyar Məmmədyarov 3-cü pillədəki mövqeyini qoruyub. O, hazırda 2801 xalla birinci pillədəki dünya çempionu Maqnus Karlsendən  (Norveç, 2841) 40, Fabiano Karuanadan (ABŞ, 2821) 20 xal geri qalır.

Qeyd edək ki, siyahıda digər şahmatçılarımız Teymur Rəcəbov 17-ci (2751), Arkadi Naydiç 32-ci (2711), Rauf Məmmədov 38-ci (2708) pillədə yer alıb.