"Heç bilmirəm, Konfrans Liqası nə turnirdir"

“Lester”in baş məşqçisi Brendan Rodjers UEFA-nın yeni turniri olan Konfrans Liqası barədə fikirlər səsləndirib.

İngiltərə klubu Avropa Liqasında qrupu 3-cü yerdə başa vurub. İndi onlar avrokuboklarda mübarizəni Konfrans Liqasının pley-off mərhələsində davam etdirəcəklər. Şərti olaraq 1/16 final adlandırılan bu mərhələdə “Lester”in 8 potensial rəqibi arasında Azərbaycan təmsilçisi “Qarabağ” da var.

Sportline.az Britaniya mətbuatına istinadən xəbər verir ki, Brendan Rodjers Konfrans Liqası barədə, ümumiyyətlə, məlumatı olmadığını söyləyib:

“Mən düzünü deməli, vicdanımla danışmalıyam. Heç bilmirəm, bu nə turnirdir. Mən Avropa Liqasına və orada qrupu birinci yerdə tamamlamağa köklənmişdim. Ən pis halda ikinci yeri tutmalı idik. Konfrans Liqasına hörmətimi ifadə etməklə yanaşı, deməliyəm ki, bu yarış barədə təsəvvürüm yoxdur. Əminəm ki, tezliklə biləcəyəm”.