Həndbol komandalarımız avrokuboklara qatılacaq
Qadınlardan ibarət üç həndbol komandamız 2023/2024 mövsümündə Avropa Kubokunda mübarizə aparacaq.
Sportline.az Avropa Həndbol Federasiyasının rəsmi saytına istinadən xəbər verir ki, söhbət “Azəryol”, “Qarabağ” və "Kür"dən gedir.
Komandalarımız 1/32 final mərhələsindən yarışa qatılacaq.
Mərhələnin püşkü iyulun 18-də Avstriyanın paytaxtı Vyanada atılacaq.
Qeyd edək ki, 1/32 finalın ilk oyunları 23-24 sentyabrda, cavab görüşləri isə 30 sentyabr-1 oktyabr tarixlərində olacaq.
