Həndbol millimiz daha bir qələbə qazanıb

Bolqarıstanda inkişaf etməkdə olan ölkələr arasında kişi həndbolçuların ikinci çempionatı davam edir. Sportline.az xəbər verir ki, ötən gün Ermənistan komandası üzərində inamlı qələbə çalan (39:21) millimiz İrlandiya kollektivi ilə görüşdə də etimadı doğruldub. Azərbaycan seçməsinin üstünlüyü ilə keçən qarşılaşma 41-33 hesabı ilə başa çatıb. Xatırladaq ki, 15 ölkənin qatıldığı turnirdə Bolqarıstanla yanaşı Azərbaycan, Türkiyə, Albaniya, Andorra, Böyük Britaniya, İrlandiya, Moldova, Malta, Kipr, Gürcüstan, Kosta-Rika, Farer adaları, Lüksemburq və Ermənistan komandaları mübarizə aparır. 
16-24 yaşarası gənclərin yarışdığı  turnir Qabrova və Tarnova şəhərlərində keçirilir. Yarışa iyunun 18-də yekun vurulacaq.