İsak seçimini etdi

"Nyukasl Yunayted"in isveçli futbolçusu Aleksander İsak mövsümün sonunda klubdan ayrılacaq.

Sportline.az "El Nacional" nəşrinə istinadən xəbər verir ki, "Barselona" və "Liverpul" İsakla yaxından maraqlanır.

25 yaşlı futbolçu "Liverpul"a transfer olmaq niyyətindədir.

Qeyd edək ki, İsakın "Nyukasl Yunayted"lə müqaviləsi 2028-ci ilin iyun ayına qədər nəzərdə tutulub.

O bu mövsüm bütün turnirlər daxil olmaqla çıxış etdiyi 33 matçda 23 qol və 5 məhsuldar ötürmə müəllifi olub.

Aleksander İsakın hazır ki dəyəri "Transfermarkt" portalına görə 100 milyon avro olaraq qiymətləndirilir.