Karvaxal: "Real Madrid"ə qarşı heç vaxt rəqib olmaram"
"Real Madrid"in ispaniyalı futbolçusu Dani Karvaxal jurnalistlərə müsahibəsində gələcək karyerası ilə bağlı suallara aydınlıq gətirib.
Sportline.az "Marca" qəzetinə istinadən xəbər verir ki, Karvaxal müsahibəsində bu fikirləri səsləndirib;
"Real Madrid"dən ayrılsam Avropa klublarında çıxış etməyəcəm. Çempionlar Liqasında və İspaniya Çempionatında "Real Madrid"ə qarşı heç vaxt rəqib olmaq istəmərəm. Çünki "Real Madrid" mənim hərşeyimdir. O klubu çox sevirəm. "Real Madrid" mənim sevgilimdir", - deyə Karvaxal bildirib.
Qeyd edək ki, Dani Karvaxalın "Real Madrid"lə müqaviləsi 2026-cı ilin iyun ayına qədər nəzərdə tutulub.
