Konfrans Liqası: "Qarabağ" ilk oyununu səfərdə keçirəcək
UEFA Konfrans Liqasının pley-off mərhələsi ilə bağlı bəzi məlumatları açıqlayıb.
Sportline.az qurumun rəsmi saytına istinadən xəbər verir ki, komandalar püşkatma öncəsi iki səbətə bölünüblər.
“Qarabağ” qrup 2-cisi kimi səpələnmişlər səbətində yer alıb. Bu komandaların ilk oyununu səfərdə keçirəcəyi bəlli olub. Səpənmişlər səbətindəki komandalar Avropa Liqasında ən yaxşı qrup 3-cüsü olan və səpənməmişlər səbətində yer alan 8 komandaya rəqib olacaqlar.
Qeyd edək ki, pley-offun ilk matçları 2022-ci il fevralın 17-də, cavab qarşılaşmaları isə fevralın 24-də keçiriləcək.
