Kvaratsxeliya karyerasını "Dumanlı Albion"da davam etdirə bilər
"Napoli"nin gürcüstanlı futbolçusu Xviça Kvaratsxeliya karyerasını İngiltərə Premyer Liqasında davam etdirə bilər.
Sportline.az insayder Rudi Qalletinin məlumatına istinadən xəbər verir ki, "Mançester Yunayted" Xviçanı transfer etmək üçün hərəkətə keçib.
Portuqaliyalı baş məşqçi Ruben Amorim Kvaratsxeliyanı komandasında görmək istəyir.
Qeyd edək ki, 23 yaşlı futbolçunun hazır ki dəyəri "Transfermarkt" portalına görə 85 milyon avro olaraq qiymətləndirilir.
Kvaratsxeliya bu mövsüm bütün turnirlər daxil olmaqla çıxış etdiyi 19 matçda 5 qol və 3 asistlə yadda qalıb.
