"Mançester Siti"dən "Borussiya" Dortmunda

Dortmund "Borussiya"sı "Mançester Siti"dən 22 yaşlı futbolçu Yan Koutonu transfer etdiyini açıqlayıb.

Sportline.az xəbər verir ki, braziliyalı futbolçu yeni klubunda icarə əsasında çıxış edəcək.Onun 1 illik müqavilə nəzərdə tutulub.

Ötən mövsümü "Jirona"da icarədə keçirən Kouto İspaniya klubu ilə çıxdığı 39 oyunda 2 qol və 8 asistə imza atıb.

Qeyd edək ki, "Mançester Siti" gənc futbolçunu 2022-ci ildə "Koritiba"dan 6 milyon avro qarşılığında heyətinə qatmışdı.