"Mançester Siti"nin qapıçısı Ərəbistana yollana bilər
"Mançester Siti"nin qapıçısı Ederson Ronaldo ilə komanda yoldaşı ola bilər.
Sportline.az Footmercado-ya istinadla xəbər verir ki, Səudiyyə Ərəbistanının "Əl-Nəsr" klubu braziliyalı qapıçını transfer etməyi düşünür.
Mənbənin sözlərinə görə, "Əl-Nasr" şəxsi müqavilə şərtlərinə əsasən futbolçuya ilkin təklif irəli sürsə də, "Mançester Siti"ni tərk etmək ehtimalı olan Edersondan hələ ki, cavab almayıb.
30 yaşlı qapıçı 2017-ci ildə "Benfika"dan İngiltərə klubuna 40 milyon avroya transfer olunub. Edersonun klubla hazırki müqaviləsi 2026-cı ilə qədərdir.
Qeyd edək ki, ötən mövsüm 43 oyunda "şəhərlilər"in qapısını qoruyan Ederson 16 görüşdə qol buraxmayıb.Transfermarkt portalında qolkiperin transfer dəyəri 35 milyon avrodur.
