Millimiz son Avropa çempionu ilə eyni səbətdə

Sentyabrın 2-də UEFA-nın İsveçrənin Nyon şəhərindəki qərargahında futzal üzrə Avro-2022-nin seçmə qrup mərhələsinin püşkü atılacaq.

Sportline.az xəbər verir ki, püşk mərasim Bakı vaxtı ilə saat 15:15-də başlayacaq.
 
Artıq UEFA milli komandaları reytinq cədvəlinə uyğun olaraq səbətlərə bölüb. Azərbaycan millisi A səbətində yer alıb. Bu isə o deməkdir ki, həmin səbətdə yer alan komandalar qrup mərhələsində rəqibimiz olmayacaqlar.

A, B, C qruplarının hər birində 8 komanda yer alıb. Norveç D səbətindədir. İlkin mərhələdən pley-off oyunlarına vəsiqə qazanan komandalar isə E qrupunda cəmləşiblər.

Püşk zamanı komandalar hər birində 4 iştirakçı olmaqla 8 qrupa bölünəcəklər. Yəni qruplara hər səbətdən bir komanda daxil ediləcək. Yekunda 8 qrup qalibi və ən yaxşı göstəriciyə malik 6 komanda həlledici mərhələyə bir başa vəsiqə qazanacaq. Ən zəif göstəriciyə malik iki ikinci yerin sahibiisə pley-off görüşündə üz-üzə gələcək. Bu görüş 2021-ci ilin noyabrında keçiriləcək. Avro-2022-nin final mərhələsi isə yanvarın 9-dan fevralın 6-dək Niderlandda təşkil olunacaq.

A səbəti

İspaniya, Portuqaliya (son qalib), Rusiya, Qazaxıstan, Serbiya, Azərbaycan, Xorvatiya, İtaliya

 

B səbəti

Ukrayna, Çexiya, Sloveniya, Rumıniya, Macarıstan, Fransa, Finlandiya, Slovakiya

 

C səbəti

Belarus, Bosniya və Herseqovina, Polşa, Belçika, Gürcüstan, Latviya, Moldova, Albaniya

 

D səbəti

Norveç

 

C səbəti

Türkiyə/Yunanıstan, San Marino/Danimarka, İsrail/Kipr, İsveçrə/Almaniya, İngiltərə/Şimali Makedoniya, Bolqarıstan/Ermənistan, Monteneqro/Litva

 

Oyun günləri

2-11 noyabr 2020 (ilkin mərhələnin pley-off oyunları)

6-9 dekabr 2020

25 yanvar-3 fevral 2021

1-10 mart 2021

5-14 aprel 2021