Nazarovun komandası məğlubiyyətlə başladı

Almaniya II Bundesliqasında yeni mövsümün 2-ci turunun görüşləri oynanılır.

Azərbaycan millisinin üzvü - Dmitri Nazarovun şərəfini qoruduğu "Ertsqebirge Aue" ilk matçını doğma meydanda keçirib (Komandanın ilk turdakı oyunu təxirə salınıb). Rəqib "Düsseldorf" kollektivi olub.

Görüş qonaqların qələbəsi ilə yekunlaşıb - 2:0.

Qeyd edək ki, D.Nazarov start heyətində meydana daxil olub və 90 dəqiqə mübarizə aparıb. Futbolçu 44-cü dəqiqədə sarı vərəqə ilə cəzalanıb.