"Nyukasl" İngiltərə millisinin oyunçusu ilə maraqlanır

"Nyukasl Yunayted" mərkəz müdafiəçisi Mark Quehinin transferi ilə bağlı "Kristal Pelas"la danışıqlara başlayıb.

Sportline.az The Telegraph-a istinadla xəbər verir ki, Quehi artıq bir ildən artıqdır ki, "Nyukasl"ın transfer siyahısında yer alır.

Lakin bildirilir ki, onun Avro-2024-də uğurlu çıxışından sonra klub 24 yaşlı futbolçunu transfer etmək üçün ciddi rəqabətlə üzləşə bilər.

İngiltərəli futbolçunun London klubu ilə 2026-cı ilə qədər müqaviləsi var. O, ötən mövsüm iştirak etdiyi 25 oyunda 1 asistə imza atıb.

Futbolçu Avro 2024-də millisinin əsas müdafiəçilərindən idi.