PFL prezidenti VAR sistemi ilə bağlı Almaniyaya gedib

Peşəkar Futbol Liqasının (PFL) prezidenti Elxan Səmədov Almaniyanın Frankfurt şəhərində səfərdədir.

Sportline.az xəbər verir ki, bu barədə PFL-in vitse-prezidenti Aslan Şahgəldiyev Azərbaycan Kubokunun püşkatmə mərasimində deyib.

Onun sözlərinə görə, qurumun rəhbəri burada VAR sistemindəki problemlərlə bağlı görüşlər keçirir: "Səhvlər var və bunlar etiraf olunmalıdır".

Şahgəldiyev ölkə kubokunun avrokuboklara çıxmaq üçün ən qısa yol olduğunu vurğulayıb.

PFL rəsmisi hazırda yarışın tirul sponsorunun hələlik bəlli olmadığını və danışıqların davam etdiyini söyləyib: "Qarşılaşmalar başlayanadək sponsorluq məsələsinə aydınlıq gələcək. Komandaların azlığı bizi də narahat edir. Zaqatala və İmişli imtina etməklə bağlı məktub yolladı. Bu, maliyyə məsələsi ilə bağlı idi. Region liqası komandaları ilə bağlı danışılırdı, amma onların əksəriyyətinin infrastruktur problemləri var. Kubokda peşəkar komandalar iştirak etməlidir. Növbəti mövsümdə bu məsələ Affa ilə birlikdə müzakirə ediləcək. Ola bilsin, əsasnaməyə müvafiq dəyişilik etdik".