Portuqaliyadan Fransaya və əks istiqamətdə
Fransa və Portuqaliya futbol federasiyaları arasında hakim mübadiləsi razılaşdırılıb.
Sportline.az xəbər verir ki, dəyişiklik milli komandaların oyunlarına görə yaranan fasilədən dərhal sonra baş tutacaq çempionat matçlarında reallaşacaq.
Belə ki, Villi Delajod və Luis Migel Branko Qodinyu qarşıdakı turda "əks marşurutlar üzrə hərəkət edəcəklər". Fransız sentyabrın 11-də Premyer Liqanın "Pakoş de Fereyra" - "Braqa" qarşılaşmasında, portuqaliyalı isə ayın 12-də "Liqa 1"-in "Bordo" - "Lens" oyununda iş başında olacaq.
