Qurban Qurbanov sualları cavablandıracaq
UEFA Konfrans Liqasının qrup mərhələsinin 6-cı turunda “Bazel”in qonağı olacaq “Qarabağ” bu gün İsveçrəyə yollanır.
Sportline.az xəbər verir ki, Ağdam klubunu Bazelə aparacaq təyyarə saat 18:00-da Heydər Əliyev Beynəlxalq Hava Limanından yola düşəcək.
Qurban Qurbanov dekabrın 8-i yerli vaxt ilə 18:40-da (Bakı vaxtı ilə 21:40) mətbuat konfransında iştirak edəcək.
Komandanın açıq məşqi isə yerli vaxt ilə 19:00-da (Bakı vaxtı ilə 22:00) matçın oynanılacağı “Sankt Yakob Park”da baş tutacaq.
“Bazel” - “Qarabağ” matçı dekabrın 9-u saat 21:00-da (Bakı vaxtı ilə 00:00) keçiriləcək.
