"Spartak" Aktürkoğlunun transferini yekunlaşdırır

"Spartak" Türkiyə millisinin hücumçusu Kerem Aktürkoğlunun transferini yekunlaşdırmaq üzrədir.

Sportline.az xəbər verir ki, moskvalılar onun keçidi üçün "Qalatasaray"a 13 milyon avro ödəyəcəklər.

"Milliyyet"in yaydığı məlumatda klubların artıq tam razılığa gəldiyi bildirilir. 

Transfer baş tutsa, futbolçunun özü ilinə 3 milyona yaxın avro qazanacaq.

Qeyd edək ki, Aktürkoğlunun "Qalatasaray"la 2026-cı ilin iyununadək müqaviləsi var.