Ten Haq "Mançester Yunayted"in Premyer Liqada çempionluq şanslarını dəyərləndirib
"Mançester Yunayted"in çalışdırıcısı Erik Ten Haq komandasının yeni mövsümdə titul qazanmaq imkanlarını dəyərləndirib.
Sportline.az xəbər verir ki, niderlandlı baş məşqçi The Guardian-a verdiyi müsahibədə bu fikirləri səsləndirib.
"İki kubokla İngiltərədə "Mançester Siti"dən başqa bütün klublardan daha çox titul qazandıq. Biz özümüzə güvənirik, yaxşı komandamız və heyətimiz var. Biz iştirak etdiyimiz bütün yarışlarda, o cümlədən Premyer Liqada qalib gəlmək istəyirik" deyə mütəxəssis bildirib.
Ten Haq əlavə olaraq komandanın mövsümə hələ tam hazır olmadığını vurğulayıb.
Qeyd edək ki, "Mançester Yunayted" bu gün Premyer Liqada mövsümün açılış oyununda "Fulhem"lə qarşılaşacaq.
