US Open: Finalçılar müəyyənləşdi
Tennisçilərin Böyük Dəbilqə seriyalı US Open turniri yekunlaşmaq üzrədir.
Sportline.az xəbər verir ki, artıq kişilərin mübarizəsində hər iki finalçının adına aydınlıq gəlib.
ATP reytinqinin lideri Novak Cokoviç almaniyalı Aleksandr Zverevlə qarşılaşıb. Gərginliyi ilə yadda qalan görüş 4 saata yaxın davam edib. Qalibi müəyyənləşdirmək üçün 5 set oynanılıb. İlk hissədə Zverev üstün olub. Növbəti iki setdə isə Cokoviç təşəbbüsü ələ alıb. Ruhdan düşməyən almaniyalı raketka ustası 4-cü hissədə tarazlığı bərpa edib: 2-2. Sonuncu setdə daha dəqiq olan Cokoviç finala vəsiqə qazanıb.
Yarımfinalın digər matçında isə rusiyalı Daniil Medvedev kanadalı Feliks Oje Alyassimlə üz-üzə gəlib. Medvedev qələbə qazanmaqda çətinlik çəkməyib. Hər 3 setdə rəqibinə qalib gələn rusiyalı tennisçi həlledici görüşdə Novak Cokoviçə rəqib olub.
