Rafael Markes "Barselona"dan ayrılaraq Meksika millisinə keçəcək
Meksikalı Rafael Markes bir neçə həftə əvvəl yeni müqavilə imzalamasına baxmayaraq, "Barselona B" komandasının baş məşqçi postunu tərk edəcək.
Sportline.az ESPN-ə istinadla xəbər verir ki, 45 yaşlı mütəxəssis Meksika millisində Xavyer Aqirrenin məşqçilər korpusuna qoşulacaq.
O, 2026-cı il Dünya Çempionatına qədər orada çalışacaq, bundan sonra müqaviləsi avtomatik uzadılacaq, lakin Markesin mövqeyi dəyişəcək - o, milli komandanın texniki direktoru olacaq.
Markes dünyada beş dünya çempionatında iştirak etmiş altı futbolçudan biridir. Üstəlik, bu beş dünya çempionatında yalnız o, milli komandasının kapitanı olmağı bacarıb.
