"Aston Villa" Belçika millisinin futbolçusunu transfer edir
"Everton"un və Belçika millisinin yarımmüdafiəçisi Amadu Onana "Aston Villa"ya keçməyə yaxındır.
Sportline.az xəbər verir ki, bu barədə jurnalist Fabritsio Romano "X" hesabında məlumat paylaşıb.
Mersisayd klubu bu transfer müqabilində "Aston Villa"dan 50 milyon funt sterlinq və sonrakı satışdan pay əldə edəcək.
Birminqem təmsilçisi futbolçu ilə 5 illik müqavilə imzalayacaq. Transferin yaxın günlərdə rəsmləşməsi gözlənilir.
Qeyd edək ki, Onana 2022-ci ildən çıxış etdiyi "Everton"da 72 oyunda 4 qol, 3 asistlə yadda qalıb.
