Avropa çempionatı: 3 idmançımız "qızıl"ın bir addımlığında
Azərbaycan daha bir cüdoçusu Xorvatiyanın Poreç şəhərində keçirilən Avropa çempionatında finala vəsiqə qazanıb.
Sportline.az xəbər verir ki, 60 kq çəki dərəcəsində çıxış edən Nizami İmranov yarımfinalda ukraynalı Nazar Viskovu məğlub edərək, adını həlledici mərhələyə yazdırıb. Onun finaldakı rəqibi macarıstanlı Adam Mayor olacaq.
50 kq-da yer alan Məhəmməd Məmişov isə finala gedən yolda fransalı Kays Gettariyə uduzaraq, bürünc medal görüşündə ermənistanlı Gor Safaryana rəqib olub.
Qeyd edək ki, daha əvvəl 55 kq-da Şahin Orucov və 48 kq-da Aydan Vəliyeva Avropa çempionatında finala yüksəlib. Onlar müvafiq olaraq, serbiyalı Matiya Yeremiç və isveçli Tara Babulfatla üz-üzə gələcəklər.
