Azərbaycan FİFA reytinqində irəlilədi
FİFA milli komandaların reytinq siyahısını açıqlayıb.
Sportline.az xəbər verir ki, siyahıya yenə Braziliya (1840) başçılıq edir.
Son dünya çempionatının qalibi Argentina (1838) sıralamada ikinci yerdədir. Mundialın bürünc medallarını qazanan Xorvatiya (1727) yeddinci, dördüncü yerin sahibi Mərakeş isə (1672) 11-ci yerdə qərarlaşıb.
Azərbaycan yığması (1151) ilin son siyahısında 121-cidir. Komandamız ötən siyahı ilə müqayisədə 2 pillə irəliləyib. Buna yığmanın yoldaşlıq görüşlərində Moldovanı 2:1, Şimali Makedoniyanı isə 3:1 hesabı ilə məğlub etməsi səbəb olub.
Millimizin 2024-cü il Avropa çempionatındakı rəqiblərindən Belçika (1781) dördüncü, İsveç (1558) 23, Avstriya (1497) 34, Estoniya isə (1186) 109-cu sırada qərarlaşıb.
