"Barselona"nın sabiq ulduzundan maraqlı açıqlama

"Barselona"nın sabiq futbolçusu Jerar Pike komandanın parlamaqda olan ulduzu Lamin Yamalla bağlı fikirlərini bölüşüb.

Sportline.az xəbər verir ki, o, "Mundo Deportivo"ya müsahibəsində Yamalın yüksək keyfiyyətlərini sadalayarkən "Düşünürəm ki, o, yaşından daha artıq futbol oynayır. Meydanda necə hərəkət etməyi, hücuma necə keçməyi çox yaxşı bilir. Yamal yüksək potensiala malik futbolçudur. Yaxın gələcəkdə "Barsa" üçün olduqca vacib oyunçuya çevriləcəyinə şübhə etmirəm", - deyib.

Qeyd edək ki, Lamin Yamal son Avropa çempionatındakı mükəmməl çıxışı ilə etimadı doğrultmuşdu.

O, həm, yarışın tarixindəki ən gənc futbolçu kimi (16 yaş, 338 gün), həm də, ən gənc qol müəllifi kimi (16 yaş, 362 gün) diqqət mərkəzinə düşmüşdü.