Belçika - İtaliya: Düşərgələrdəki son durum

Bu gün UEFA Millətlər Liqasında 5-ci turun oyunları keçiriləcək.

Sportline.az xəbər verir ki, gecənin mərkəzi matçında Belçika millisi öz meydanında İtaliya kollektivi ilə qarşılaşacaq.

İtaliyada keçirilən görüşdə hərəyə iki qol vuran rəqiblərin bugünkü qarşılaşması da gərgin və maraqlı mübarizə vəd edir.

Heyətlərə nəzər saldıqda Belçika komandasında əsas itki Şarl de Ketelarenin adı ilə bağlıdır.

İtaliya millisinin isə matça optimal heyətlə çıxacağı gözlənilir.

Ruminyalı hakim Radu Marian Petreşçu idarə edəcəyi matçın start fiti Bakı vaxtı ilə saat 23:45 səslənəcək.