Bernardo Silva "Liverpul"u "Arsenal"dan üstün tutur
"Mançester Siti"nin 30 yaşlı yarımmüdafiəçisi Bernardo Silva çempionluq yarışına münasibətini bildirib.
Sportline.az Sky Sport-a istinadla xəbər verir ki, portuqaliyalı ulduz müsahibəsində "Liverpul"la aralarındakı rəqabətin daha güclü olduğunu bildirib.
"Liverpul" bir dəfə bizə qarşı Premyer Liqanı qazanıb, amma "Arsenal" heç vaxt bunu bacarmayıb. Aramızda rəqabət fərqlidir. Bunu da əlavə etmək istərdim ki, "Liverpul" həmişə bizə qarşı böyük hesablı qələbə qazanmaq üçün mübarizə aparır" deyə Bernardo bildirib.
Qeyd edək ki, təcrübəli futbolçu bu mövsüm bütün turnirlər daxil olmaqla çıxış etdiyi 7 matçda 1 qol 2 asistlə yadda qalıb.
