Böyük Dəbilqə: Azərbaycanın 4 cüdoçusu mübarizəyə başlayır
Bu gün Macarıstanın paytaxtı Budapeştdə cüdo üzrə Böyük Dəbilqə turniri start götürəcək.
Sportline.az xəbər verir ki, ilk yarış günündə Azərbaycanın 4 cüdoçusu mübarizə aparacaq.
60 kq-da Rövşən Əliyev özbəkistanlı Mirzahid Məhəmmədcanovla, Əhməd Yusifov isə italiyalı Anjelo Pantanyo ilə qarşılaşacaq.
66 kq-da çıxış edən Yaşar Nəcəfovun ilk rəqibi özbəkistanlı Rəhimcan Subxonov olacaq. Bu çəkidəki digər cüdoçu İbrahim Əliyev isə bolqarıstanlı Yanislav Gerçevi sınağa çəkəcək.
Qeyd edək ki, iyulun 10-dək davam edəcək yarışda Azərbaycanın 11 cüdoçusu qüvvəsini sınayacaq.
