Ceydon Sanço PSJ-yə keçmək istəyir

İngiltərə millisinin üzvü Ceydon Sanço Fransaya yollanmaq qərarına gəlib.

Sportline.az xəbər verir ki, o, "Mançester Yunayted"i PSJ-yə dəyişmək istəyir.

Bu haqda RMC Sport məlumat yayıb.

Mənbənin bildirdiyinə görə, parislilər Kilian Mbappenin gedişindən sonra yaranan boşluğu Sanço ilə doldurmaq niyyətindədirlər.

Klublar arasında ilkin danışıqlar aparılıb. Mançesterlilərin 24 yaşlı futbolçu üçün 60 milyon avro tələb etdiyi bildirilir. 

Qeyd edək ki, Sanço ötən mövsümün ikinci yarısını icarə əsasında Dortmund "Borussiya"sında keçirmişdi.