"Çelsi" 19 yaşlı futbolçu ilə müqavilə imzalayıb
"Atlanta" Yunayted və ABŞ millisinin gənc oyunçusu Kaleb Uayli "Çelsi"nin sıralarına qoşulub.
Sportline.az Sport24.ru-ya xəbər verir ki, London klubu 19 yaşlı sol cinah müdafiəçisi ilə 2030-cu ilə qədər müqavilə imzalayıb.
"Çelsi" bu transfer qarşılığında ABŞ klubuna 10.1 milyon avro ödəyəcək.
Qeyd edək ki, ötən mövsüm "Atlanta"nın heyətində 23 oyuna çıxan Uayli 1 qol və 1 asistlə yadda qalıb.
