"Çelsi" sol cinah müdafiəçisini MLS-dən tapdı

"Çelsi" Premyer Liqada yeni mövsüm öncəsi daha bir transferini sonlandırmağa yaxındır.

Sportline.az The Athletic-ə istinadla xəbər verir ki, İngiltərə klubu "Atlanta Yunayted" forması geyinən Kaleb Vili ilə razılıq əldə edib.

"Çelsi"nin bu transfer üçün qarşı tərəfə 8.5 milyon avro ödəyəcəyi və oyunçu ilə 7 illik müqavilə imzalanacağı bildirilir.

"Zadəganlar" bundan əvvəl Kiernan Hol, Omari Keliman, Mark Qui və Tosin Adarabiyonu heyətinə qatıb.

Qeyd edək ki, 19 yaşlı Kaleb Vili ötən mövsüm ABŞ klubunun heyətində 22 oyunda 1 qol və asistlə yadda qalıb.