Çempionlar Liqasında daha 5 oyun
UEFA Çempionlar Liqasında III təsnifat mərhələsinə bu gün 5 qarşılaşma ilə yekun vurulacaq.
Sportline.az xəbər verir ki, günün ilk matçında "Omoniya" Kiprdə Serbiyanın "Srvena Zvezda" komandasını qəbul edəcək.
Bakı vaxtı ilə eyni saatda - 21:00-da start götürəcək oyunlarda "Qarabağ" Norveç "Molde"si, Macarıstan "Ferentsvaroş"u Xorvatiyanın "Dinamo" (Zaqreb) komandası, İsrailin "Makkabi" (Təl-Əviv) klubu isə Belarus təmsilçisi "Dinamo" (Brest) ilə üz-üzə gələcək.
Mərhələnin son görüşündə isə “Midtülland”la “Yanq Boyz” münasibətləri aydınlaşdıracaq.
16 sentyabr
UEFA Çempionlar Liqası
III təsnifat mərhələsi
19:00. "Omoniya" (Kipr) - "Srvena Zvezda" (Serbiya)
21:00. "Ferentsvaroş" (Macarıstan) - "Dinamo" (Zaqreb, Xorvatiya)
21:00. "Makkabi" (Təl-Əviv, İsrail) - "Dinamo" (Brest, Belarus)
21:00. "Qarabağ" (Azərbaycan) - "Molde" (Norveç)
22:30. “Midtüllann” (Danimarka) - “Yanq Boyz” (İsveçrə)
Qeyd edək ki, ilk oyun günündə keçirilən görüşlərin nəticələrinə əsasən "Dinamo" (Kiyev, Ukrayna), PAOK (Yunanıstan) və "Gent" (Belçika) Çempionlar Liqasının pley-off mərhələsinə vəsiqə qazanıb.
