Çempionlar Liqasının qalibi yarışdan kənarlaşdırıldı
Səudiyyə Ərəbistanının "Əl-Hilal" klubu Asiya Çempionlar Liqasından kənarlaşdırılıb.
Sportline.az xəbər verir ki, komanda ÇL-in B qrupunda Birləşmiş Ərəb Əmirliklərinin "Əl Əhli" klubu ilə qarşılaşmalı idi.
Amma, 15 futbolçusu koronavirusa yoluxan "Əl-Hilal" görüşün təxirə salınmasını istəsə də, Asiya Futbol Konfederasiyası bunu qəbul etməyib. Bundan sonra klub start heyətə 9 oyunçu və ehtiyata 2 qapıçı daxil edib. Qaydalara görə isə matçın iştirak ərizəsində ən azı 13 futbolçu olmalıdır. Bu səbəbdən görüş ləğv olunub və "Əl-Hilal" turnirdən kənarlaşdırılıb.
Qeyd edək ki, Səudiyyə Ərəbistan təmsilçisi ötən mövsüm ÇL-in qalibi olmuşdu.
