Dünyanın ən nüfuzlu idmançısı kimdir?
YouGov Tədqiqatlar Mərkəzi Kriştiano Ronaldonu dünyanın ən nüfuzlu idmançısı olduğunu açıqlayıb.
Sportline.az xəbər verir ki, portuqaliyalı futbolçu hörmətinə görə bütün idmançılar arasında birincə yerdə qərarlaşıb. Dünyanın nüfuzlu şəxsiyyətlərinin sırasında isə 35 yaşlı hücumçu 6-cı yeri tutur. “Barselona”nın kapitanı Lionel Messi idmançılar arasında 2-ci, ümumi siyahıda isə 11-cidir. O, bu dəfə reytinqdə Rusiya Prezidenti Vladimir Putini keçə bilib. İdmançılar arasında üçüncü yeri sabiq basketbolçu Maykl Cordan tutur (siyahıda 13-cü yer).
Reytinqə ABŞ-ın sabiq prezidenti Barak Obama başçılıq edir.
