Erməniyə qalib gələn güləşçimiz yarımfinalda
Yunan-Roma güləşçimiz Beka Kandelaki Macarıstanın paytaxtı Budapeştdə keçirilən Avropa çempionatında yarımfinala yüksəlib.
Sportline.az xəbər verir ki, 130 kiloqram çəki dərəcəsində yarışan idmançı təsnifat mərhələsində Mixaylo Vişnivetskini (Ukrayna) mübarizədən kənarlaşdırıb.
1/4 finalda David Ovasapyanla (Ermənistan) qarşılaşan idmançı inamlı qələbə qazanıb. Kandelaki ilk hissədə erməni rəqibindən 5 xal alıb. Görüşün başa çatmasına 1 dəqiqə 25 saniyə qalmış başından zədə alan Ovasapyan mübarizəni davam etdirə bilməyib.
Kandelaki finala vəsiqə uğrunda məşhur Türkiyə pəhləvanı Rza Kayaalpla üz-üzə gələcək.
