"Fənərbağça" - "Lill" duellərinin hakimləri müəyyənləşib
UEFA Çempionlar Liqasının 2-ci təsnifat mərhələsində "Luqano"nu mübarizədən kənarlaşdıran "Fənərbağça" növbəti turda Fransanın "Lill" komandası ilə qarşılaşacaq.
Sportline.az xəbər verir ki, UEFA bu matçlardan əvvəl "Fənərbağça" - "Lill" oyunlarına təyinat alan hakimləri açıqlayıb.
UEFA-dan verilən açıqlamaya görə, "Fənərbağça"nın "Lill"lə səfər matçını İştvan Kovaç, ev matçını isə Xose Mariya Sançez idarə edəcək.
Qeyd edək ki, tərəflər arasında ilk görüş avqustun 6-da Fransada, cavab qarşılaşması isə avqustun 13-də Türkiyədə olacaq.
