Futbol üzrə San-Marino millisi tarixində ilk dəfə səfərdə qələbə qazanıb

Futbol üzrə San-Marino millisi tarixində ilk dəfə səfərdə qalib gəlib.

Sportline.az xəbər verir ki, San-Marino komandasının Lixtenşteynlə qarşılaşması 3:1 hesabı ilə bitib.

Bundan başqa, San-Marino ilk dəfə bir oyunda üç qol vuraraq tarixində ilk səfər qələbəsini qazanıb.

4 oyunda 7 xal toplayan komanda D Liqasının 1-ci qrupunda birinci yeri tutub və növbəti Millətlər Liqasında C Liqasında çıxış edəcək.

İkinci yeri Cəbəllütariq (6 xal), üçüncü yeri Lixtenşteyn (2 xal) tutub.

San-Marino millisi FIFA-nın reytinq cədvəlində sonuncu - 210-cu yerdədir. Lixtenşteyn komandası ilə I turun matçında (1:0) komanda 2004-cü ildən sonra ilk qələbəsini qazanıb.

Qeyd edək ki, UEFA Millətlər Liqasında VI turun növbəti oyunları keçirilib. İkinci oyun günündə 9 qarşılaşma reallaşıb.

UEFA Millətlər Liqası

VI tur

A Liqası

I qrup

Xorvatiya - Portuqaliya 1:1

Polşa - Şotlandiya 1:2

IV qrup

İspaniya - İsveçrə 3:2

Serbiya - Danimarka 0:0

C Liqası

II qrup

Kosovo - Litva 1:0

Rumıniya - Kipr 4:1

III qrup

Bolqarıstan - Belarus 1:1

Lüksemburq - Şimali İrlandiya 2:2

D Liqası

I qrup

Lixtenşteyn - San-Marino 1:3