Rusiyalı futbolçu Yunanıstan klubunda
ÇSKA Moskvanın hücumçusu Fyodor Çalov bu gün axşam PAOK-la müqavilə imzalamaq üçün Salonikiyə yola düşəcək.
Sportline.az Sport24.ru-ya istinadla xəbər verir ki, tərəflər arasında tam razılıq əldə edilib.3 illik müqavilə imzalanacağı nəzərdə tutulub.
Daha əvvəl PAOK-un 26 yaşlı futbolçunu 3 milyon avroya almaq variantını aktivləşdirdiyi bildirilirdi.
Qeyd edək ki, 26 yaşlı hücumçu ötən mövsüm "hərbiçilər"in heyətində 41 oyunda 16 qol vurub, 5 asist edib. Transfermarkt portalında Çalovun transfer dəyəri 11 milyon avrodur.