"Göztepe"nin futbolçusu karyerasını İspaniyada davam etdirəcək

Super Liqanın yeni komandalarında "Göztepe" nigeriyalı futbolçusu Kenet Mamah ilə yollarını ayırıb.

Sportline.az Ntvspor.net-ə istinadla xəbər verir ki, 26 yaşlı vinger bundan sonra İspaniya aşağı liqa komandalarından olan "Kastelyon"da çıxış edəcək.

Oyunçu ilə 1 illik müqavilə imzalanıb.

2022-2023 mövsümündən "Göztepe"də çıxış edən Kenet Mamah İzmir klubu ilə ümumillikdə çıxdığı 57 oyunda 10 qol vurub.

Qeyd edək ki, Mamah daha əvvəl karyerasında İtaliyanın "Lucera" və "Citta Varese" klublarında oynayıb.