Həyat yoldaşı məşhur futbolçunu evdən qovub

"Mançester Siti"nin müdafiəçisi Kayl Uoker həyat yoldaşı Enni Kilner tərəfindən evdən qovulub.

Sportline.az xəbər verir ki, hadisə 5 ay bundan əvvəl yaşanıb.

Bu haqda  Daily Mail nəşri məlumat yayıb.

Mənbənin bildirdiyinə görə, cütlük arasındakı müntəzəm mübahisələrdən sonra Kilner Uokeri 3 milyon dollar dəyərindəki malikanələrinə buraxmayıb. 

33 yaşlı futbolçunun hazırda Mançesterin mərkəzindəki mənzilində yaşadığı deyilir.

Qeyd edək ki, sözügedən cütlük 2010-cu ildən bir yerdə idi. 

Onların Roman, Rian və Reyn adlı övladları var.