İngiltərə millisində Sautqeytin yerinə namizədlər bəlli olub

Ardıcıl 2 Avropa Çempionatının finalında məğlub olan İngiltərə millisi baş məşqçi Qaret Sautqeyt ilə yolları ayırmağı düşünür.

Sportline.az Sky Sports-a istinadla xəbər verir ki, İngiltərə Futbol Federasiyasında 53 yaşlı baş məşqçini əvəz edə biləcək çalışdırıcıların adları məlum olub.

Mənbənin sözlərinə görə bu posta ən ciddi namizəd "Nyukasl Yunayted"in baş məşqçisi Edi Houdur.

Xəbərdə, milliyə əcnəbi baş məşqçinin də rəhbərlik edə biləcəyi vurğulanır.

Qeyd edək ki, hazırda klubsuz olan Tomas Tüxel və Maurisiyo Poçettino da təklif göndərilməsi planlanan məşqçilər arasındadır.