Kadinin "Krasnodar"la müqaviləsinin müddəti açıqlandı
"Krasnodar" klubu Kadi Borqesin transferini açıqlayıb.
Sportline.az Rusiya təmsilçisinin saytına istinadən xəbər verir ki, braziliyalı futbolçu tibbi müayinədən keçdikdən sonra onunla 2026-cı ilin iyununa kimi müqavilə imzalanacaq.
Kadinin "Krasnodar"un təlim-məşq toplanışı üçün bu ay Dubaya gedəcəyi vurğulanıb.
Qeyri-rəsmi məlumatlara görə, "Krasnodar" "Qarabağ"a 5 milyon avro təzminat ödəyəcək.
Qeyd edək ki, 26 yaşlı yarımmüdafiəçi 2021-ci ildən "Qarabağ"ın şərəfini qoruyurdu.
