Kavaninin yeni klubu bilindi

İngiltərənin "Mançester Yunayted" komandası heyətini yeni futbolçu ilə gücləndirib.

Sportline.az klubun rəsmi saytına istinadən xəbər verir ki, Premyer Liqa təmsilçisi bu yay PSJ-dən ayrılan və azad agent statusu daşıyan uruqvaylı Edinson Kavanini transfer edib.

33 yaşlı hücumçu ilə daha bir il də artırılması nəzərdə tutulan 1 illlik müqavilə imzalanıb.

Qeyd edək ki, Edinson Kavani 2013-cü ildən PSJ-nin formasını geyinirdi.  O, Paris təmsilçisində 301 oyun keçirib, 200 qol, 43 məhsuldar ötürmənin müəllifi olub.